Datblygu adnoddau ar gyfer Hwb

Rhaid i’ch adnodd, gan gynnwys fideos, clipiau sain a phob elfen arall:

• fodloni safonau’r Gymraeg

• cael ei ddatblygu yn Gymraeg a Saesneg, gan sicrhau bod y ddwy iaith o ansawdd cyfartal ac ar gael ar yr un pryd

• defnyddio'r derminoleg gywir sy'n cyd-fynd â'r Cwricwlwm i Gymru a BydTermCymru

Fideo a sain

Er mwyn cydymffurfio â safonau'r Gymraeg, rhaid i gynnwys fideo a sain drin y Gymraeg a’r Saesneg yn gyfartal. Fel arfer, bydd hyn yn golygu darparu fersiynau yn Gymraeg ac yn Saesneg. Rhaid i bob fideo gynnwys capsiynau caeedig yn iaith y fideo, a rhaid darparu trawsgrifiad ar gyfer pob ffeil sain.

Darllenwch yr adran 'Gofynion hygyrchedd' am ganllawiau llawn ar greu cynnwys fideo a sain sy’n cydymffurfio â safonau’r Gymraeg a gofynion hygyrchedd.

Dogfennau

Rhaid darparu unrhyw ddogfen sydd ar Hwb yn Gymraeg a Saesneg ar wahân. Mae hyn yn cynnwys dogfennau Word, PowerPoint, Excel a PDF. Derbynnir dogfennau dwyieithog dim ond os ydyn nhw’n benodol ar gyfer datblygu sgiliau amlieithog.

Gwefannau ac apiau allanol

Rhaid i adnoddau a gynhelir ar wefannau, apiau neu lwyfannau allanol fod ar gael yn Gymraeg ac yn Saesneg, oni bai bod eithriad wedi’i gytuno â Hwb ymlaen llaw.

Dolenni defnyddiol

• Adnodd

• BydTermCymru

• Helo Blod

• Y Termiadur Addysg

Cysylltwch â Safonau.Standards@llyw.cymru os oes gennych chi unrhyw gwestiwn am safonau’r Gymraeg.