Hysbysiad preifatrwydd platfform Hwb

Diolch am ymweld â Phlatfform Gwe Hwb a geir yn https://hwb.gov.wales/ (“Platfform Gwe Hwb”). Mae Platfform Gwe Hwb yn cael ei weithredu gan Lywodraeth Cymru (ni).

Mae'r hysbysiad preifatrwydd hwn yn nodi sut rydym yn casglu ac yn defnyddio gwybodaeth bersonol pan fyddwch yn defnyddio Platfform Gwe Hwb. Pan fo’r hysbysiad hwn yn cyfeirio at 'wybodaeth bersonol', rydym yn golygu gwybodaeth sy'n ymwneud â chi ac a allai gael ei defnyddio i'ch adnabod.

Dim ond pan fyddwch yn defnyddio’r Platfform Gwe Hwb sy'n wynebu'r cyhoedd yn https://hwb.llyw.cymru/ y bydd yr hysbysiad hwn yn berthnasol. Os ydych chi'n defnyddio Amgylchedd Cwmwl Hwb, dylech ddarllen hysbysiad preifatrwydd Amgylchedd Cwmwl Hwb.

Nid yw'r hysbysiad preifatrwydd hwn yn berthnasol i wefannau a gwasanaethau eraill a allai fod yn hygyrch drwy Blatfform Gwe Hwb. Rydym yn eich annog i ddarllen hysbysiadau preifatrwydd y gwefannau eraill rydych chi'n ymweld â nhw

Rheolwr data

Llywodraeth Cymru yw’r rheolwr data ar gyfer data personol sy'n cael ei brosesu drwy ddefnyddio neu gael mynediad at Blatfform Gwe Hwb.

Os oes gennych unrhyw gwestiynau am yr hysbysiad hwn neu am sut rydym yn defnyddio eich data personol, mae'r manylion cyswllt i’w cael isod.

Pori'r Platfform heb fewngofnodi

Mae'r Platfform yn caniatáu i chi edrych arno heb orfod nodi’n benodol pwy ydych chi. Nid oes angen i chi fewngofnodi na rhoi unrhyw wybodaeth bersonol bellach i ddefnyddio Platfform Gwe Hwb.

Fodd bynnag, byddwn yn casglu gwybodaeth benodol yn awtomatig pan fyddwch yn ymweld â Phlatfform Gwe Hwb a all gynnwys gwybodaeth dechnegol, megis y cyfeiriad Protocol Rhyngrwyd (IP) a ddefnyddiwyd i gysylltu'ch cyfrifiadur â'r rhyngrwyd, y math o borwr rydych yn ei ddefnyddio a pha fersiwn ydyw, eich parth amser, y mathau o ategolion porwr sydd gennych a pha fersiynau ydynt, eich system weithredu a’r llwyfan.

Defnyddir yr wybodaeth hon i sicrhau bod cynnwys Platfform Gwe Hwb yn cael ei gyflwyno yn y modd mwyaf effeithiol i chi ac i'ch dyfais. Byddwn yn defnyddio'r wybodaeth hon i wneud y canlynol:

• datblygu, profi a gwella ein systemau

• sicrhau bod cynnwys Platfform Gwe Hwb yn cael ei gyflwyno yn y modd mwyaf effeithiol i chi a'ch cyfrifiadur

• gweinyddu Platfform Gwe Hwb

• ar gyfer gweithrediadau mewnol, gan gynnwys datrys problemau, dadansoddi data, profion, gwaith ymchwil, gwaith ystadegol a dibenion arolygu

• cynnal dadansoddiadau ystadegol, gan gynnwys ymarferion meincnodi, i wella ein dealltwriaeth ohonoch ac i wella ein gwasanaethau

Am ragor o wybodaeth, cyfeiriwch at Bolisi Cwcis Hwb.

Darparu gwybodaeth

Fodd bynnag, yn dibynnu ar sut rydych chi'n defnyddio Platfform Gwe Hwb, efallai y byddwch yn dewis darparu rhagor o wybodaeth bersonol. Er enghraifft, efallai y byddwch yn darparu gwybodaeth bersonol os dewiswch gysylltu â ni trwy Blatfform Gwe Hwb neu wrth gofrestru ar gyfer digwyddiad ar dudalen lanio digwyddiadau Platfform Gwe Hwb.

Gwasanaeth archebu digwyddiadau

Mae Platfform Gwe Hwb yn cynnig gwasanaeth archebu ar gyfer digwyddiadau sy’n cael eu creu neu eu rheoli naill ai gan Lywodraeth Cymru neu sefydliad arall.

Pan fo'n berthnasol, bydd angen i chi ddarparu manylion personol i gofrestru ar gyfer digwyddiad. Bydd angen i chi deipio eich manylion (gan gynnwys eich enw, cyfeiriad e-bost, enw eich sefydliad a'ch lleoliad).

Bydd trefnydd y digwyddiad yn gyfrifol am drin eich gwybodaeth, yn unol â gofynion diogelu data, a dylech gyfeirio at hysbysiad preifatrwydd trefnydd y digwyddiad i gael rhagor o wybodaeth.

Defnyddio a chadw eich gwybodaeth bersonol

Dim ond at y diben y rhoddoch eich gwybodaeth bersonol ar ei gyfer y caiff Llywodraeth Cymru a'i chontractwyr ei ddefnyddio.

Rydym yn cadw data personol dim ond cyhyd ag sy'n angenrheidiol i gyflawni'r dibenion y gwnaethom ei gasglu ar eu cyfer ac yn unol â'n hamserlenni cadw fel a ganlyn:

Data defnyddiwr: 12 mis

Rhwydweithiau (a sylwadau): hyd at 5 mlynedd

Pan nad oes angen y data mwyach, bydd yn cael ei ddileu neu ei wneud yn anhysbys yn ddiogel.

Rhannu eich gwybodaeth bersonol

Dim ond pan fo angen a phan fo’n gyfreithlon y byddwn yn rhannu data personol. Dyma gategorïau’r sawl allai fod yn cael y data:

• Ein darparwyr gwasanaeth sy'n prosesu data personol ar ein rhan ac sy’n dilyn ein cyfarwyddiadau. Y darparwyr hyn yw ein proseswyr data ac maent yn rhwym gan gontractau sy'n gofyn am fesurau diogelwch priodol ac sy'n gwahardd defnyddio eich data at eu dibenion eu hunain. Ein darparwyr gwasanaeth presennol yw CDSM Interactives Solutions Ltd (hyd at 31 Rhagfyr 2026) a Tinopolis interactive Ltd.

• Cyrff cyhoeddus eraill lle mae’n rhaid gwneud hyn er mwyn ymateb i ymholiad penodol rydych chi wedi'i wneud ac sy'n gyson â'n tasg gyhoeddus ni neu eu tasg gyhoeddus nhw

• Gallwch ddefnyddio Platfform Gwe Hwb i gael mynediad at wasanaethau allanol. Nid yw Llywodraeth Cymru yn gyfrifol am wasanaethau allanol o’r fath, a gweithredwyr y gwasanaethau allanol hynny sy’n gyfrifol am brosesu’r data personol. Byddem yn eich cynghori i ddarllen telerau ac amodau a hysbysiadau preifatrwydd pob gwasanaeth allanol rydych chi'n dewis ei ddefnyddio.

• Asiantau gorfodi'r gyfraith, rheoleiddwyr, llysoedd neu drydydd parti arall pan fo’r gyfraith yn mynnu hynny, er mwyn diogelu hawliau, eiddo neu ddiogelwch y cyhoedd, Llywodraeth Cymru, ein staff neu eraill, neu i ganfod ac atal twyll neu ddigwyddiadau diogelwch.

Nid ydym yn gwerthu eich data personol nac yn defnyddio'ch data personol at ddibenion marchnata (oni rowch chi gydsyniad i ni wneud hynny).

Os ydych chi'n cysylltu â ni

Byddwn yn casglu gwybodaeth bersonol amdanoch os byddwch yn cwblhau ffurflen ar-lein, yn cofrestru ar gyfer digwyddiad a gynhelir gan Hwb, neu'n cysylltu â ni am unrhyw reswm arall. Bydd yr union wybodaeth bersonol yn dibynnu ar yr hyn rydych chi'n dewis ei roi i ni. Byddwn yn defnyddio eich gwybodaeth bersonol i ymateb i'ch ymholiad neu gais.

Sail gyfreithlon ar gyfer prosesu data

Rydym yn dibynnu ar y dasg gyhoeddus pan fo’n rhaid prosesu data er mwyn i Lywodraeth Cymru weithredu, cynnal, diogelu a gwella'r Platfform Gwe Hwb sy'n wynebu'r cyhoedd ac i ymateb i ymholiadau sy'n gysylltiedig â'n swyddogaethau cyhoeddus.

Pan fyddwn yn prosesu eich data personol at ddibenion monitro diogelwch, y sail gyfreithiol rydym yn dibynnu arni yw bod y prosesu yn angenrheidiol ar gyfer ein buddiannau cyfreithlon. Ein buddiannau yn hyn o beth yw diogelu Platfform Gwe Hwb a'i ddefnyddwyr rhag bygythiadau diogelwch.

Pan fyddwn yn prosesu eich data personol er mwyn ymateb i ymholiadau sydd heb gysylltiad â'n swyddogaethau cyhoeddus, byddwn yn dibynnu ar eich caniatâd fel sail gyfreithiol i wneud hynny.

Pan fyddwn yn defnyddio cwcis nad ydynt yn hanfodol neu dechnolegau tebyg, byddwn yn dibynnu ar eich caniatâd.

Pan fo'n ofynnol yn gyfreithiol i ni brosesu neu ddatgelu gwybodaeth, rydym yn dibynnu ar rwymedigaeth gyfreithiol.

Trosglwyddiadau rhyngwladol

Mae eich data personol fel arfer yn cael ei brosesu yn y DU neu AEE. Os oes angen i ni drosglwyddo data personol y tu allan i'r DU neu AEE, byddwn yn sicrhau bod mesurau diogelu priodol ar waith.

Cwcis

Fel llawer o wefannau, mae Llywodraeth Cymru yn defnyddio cwcis ar Blatfform Gwe Hwb. Mae cwcis yn ddarnau bach o wybodaeth a anfonir i’r porwr gwe gan y gweinydd er mwyn galluogi'r gweinydd i gasglu gwybodaeth gan y porwr.

Mae gennych yr opsiwn i wrthod cwcis sy'n mesur eich defnydd o Blatfform Gwe Hwb. Am ragor o wybodaeth, cyfeiriwch at Bolisi Cwcis Hwb.

Adborth, sylwadau a chwynion

Rydym yn ceisio bodloni'r safonau uchaf o ran casglu a defnyddio gwybodaeth bersonol. Am y rheswm hwn, rydym yn croesawu eich adborth. Rydym yn annog pobl i ddweud wrthym os ydynt yn meddwl bod sut rydym yn casglu neu ddefnyddio gwybodaeth yn annheg, yn gamarweiniol neu'n amhriodol.

Os byddwch yn cysylltu â ni, efallai y bydd angen i ni gysylltu ag adrannau eraill y llywodraeth, awdurdodau lleol, ysgolion neu sefydliadau eraill i ateb eich ymholiad. Os oes gennych gwestiwn technegol, efallai y bydd angen i ni ei basio i'n cyflenwyr technoleg.

Unwaith y byddwn wedi ymateb i chi, byddwn yn cadw cofnod o'ch neges at ddibenion archwilio, yn unol â Pholisi Cadw Data Llywodraeth Cymru.

Eich hawliau

Mae gennych hawliau mewn perthynas â'r wybodaeth bersonol sydd gennym amdanoch chi. Dyma’r hawliau hynny:

• yr hawl i wneud cwyn am unrhyw honiad o dor cyfraith diogelwch data

• yr hawl i ofyn am fynediad i'r wybodaeth bersonol a gadwn amdanoch. Weithiau gelwir hyn yn 'gais mynediad gan y testun'

• yr hawl i gywiro unrhyw wybodaeth anghywir sydd gennym amdanoch (cywiro)

• yr hawl i ddileu eich gwybodaeth (dileu)

• yr hawl i ofyn am gyfyngu neu atal eich gwybodaeth bersonol (cyfyngu ar brosesu)

• yr hawl i wrthwynebu defnyddio eich gwybodaeth bersonol at ddibenion penodol (gwrthwynebiad)

• yr hawl i gael eich gwybodaeth mewn fformat cludadwy

• yr hawl i wrthwynebu’r defnydd o ddulliau cwbl awtomataidd i wneud penderfyniadau amdanoch

Mae llawer o'r hawliau a restrir uchod wedi'u cyfyngu i amgylchiadau diffiniedig penodol ac efallai na fyddwn yn gallu cydymffurfio â'ch cais yn llawn. Byddwn yn dweud wrthych os yw hyn yn wir. Gallwch ddarllen mwy am eich hawliau ar wefan y Comisiynydd Gwybodaeth (ICO).

Os byddwch yn gwneud cais i ni, byddwn yn ymateb i chi o fewn un mis calendr fel arfer. Ni fyddwn yn codi ffi am ymdrin â'ch cais.

Nid yw'r hysbysiad preifatrwydd hwn yn rhoi manylion cynhwysfawr am bob agwedd ar sut rydym yn casglu ac yn defnyddio gwybodaeth bersonol. Fodd bynnag, rydym yn fodlon darparu unrhyw wybodaeth neu eglurhad ychwanegol sydd ei angen.

Os hoffech ofyn am ragor o wybodaeth am ein hysbysiad preifatrwydd, arfer unrhyw un o'ch hawliau neu wneud cwyn, anfonwch e-bost at dataprotectionofficer@gov.wales neu lythyr at:

Swyddog Diogelu Data
Llywodraeth Cymru
Parc Cathays
Caerdydd
CF10 3NQ

Os oes gennych unrhyw gwestiynau eraill am Blatfform Gwe Hwb neu wasanaethau Hwb, anfonwch e-bost atom yn cymorth@hwbcymru.net neu ysgrifennwch at:

Is-adran Gwasanaethau Digidol Ysgolion (Hwb)
Llywodraeth Cymru
Rhyd-y-car
Merthyr Tudful
CF48 1UZ

Os bydd yr hysbysiad preifatrwydd hwn yn newid mewn unrhyw ffordd, byddwn yn gosod fersiwn wedi'i diweddaru ar Blatfform Gwe Hwb.