Datblygu adnoddau ar gyfer Hwb

Defnyddiwch y rhestr wirio hon i wneud yn siŵr bod eich adnodd yn barod i'w gyflwyno.

Unwaith y bydd eich adnodd yn barod i'w gyflwyno, rhaid i chi lenwi'r ffurflen uwchlwytho berthnasol.

Adnoddau i gefnogi’r Cwricwlwm i Gymru

Ar gyfer adnoddau dysgu ac addysgu’r Cwricwlwm i Gymru, gan gynnwys dylunio cwricwlwm a dysgu sylfaen, cwblhewch ffurflen gais cyhoeddi Adnodd.

Ceir rhagor o wybodaeth yn adran ‘Dewis y maes pwnc cywir ar gyfer eich adnodd’ y canllaw hwn.

Ar gyfer ymholiadau am adnoddau dysgu ac addysgu’r Cwricwlwm i Gymru, cysylltwch â comisiynu@adnodd.llyw.cymru.

Adnoddau ar bynciau eraill

Ar gyfer adnoddau na fwriedir iddyn nhw gael eu defnyddio’n uniongyrchol gyda dysgwyr neu sy'n fwy addas i feysydd pwnc Hwb eraill, cwblhewch ffurflen gais cyhoeddi Hwb. Mae'r meysydd pwnc hyn yn cynnwys:

• dysgu proffesiynol

• anghenion dysgu ychwanegol

• galwedigaethol ac ôl-16

• cadw'n ddiogel ar-lein

Ceir rhagor o wybodaeth yn adran ‘Dewis y maes pwnc cywir ar gyfer eich adnodd’ y canllaw hwn.

Ar ôl derbyn eich adnodd bydd yn cael ei adolygu i sicrhau ei fod yn bodloni gofynion Hwb. Byddwch yn cael gwybod o fewn 15 diwrnod gwaith p’un ai yw eich adnodd wedi’i gymeradwyo ai peidio, a byddwn yn trafod y camau nesaf.

Cysylltwch ag cynnwysaddysg@llyw.cymru os oes gennych chi gwestiynau am y broses uwchlwytho.

Dylech hyrwyddo eich adnodd a rhoi gwybod i ymarferwyr amdano. I'ch helpu gyda hyn, gallwch gyflwyno erthygl i'w chyhoeddi ar Hwb neu yn Dysg gan ddefnyddio ffurflen gyflwyno erthyglau newyddion Hwb.

Dylech hefyd adolygu a gwerthuso eich adnodd yn rheolaidd (argymhellir o leiaf unwaith y flwyddyn) er mwyn sicrhau ei fod yn parhau i fod yn gywir, yn berthnasol ac yn addas i'r diben.