Yr Astudiaeth Ryngwladol o Dueddiadau mewn Mathemateg a Gwyddoniaeth (TIMSS) 2027
Astudiaeth ryngwladol yw TIMSS, sy'n asesu gwybodaeth a dealltwriaeth disgyblion ym Mlwyddyn 5 o fathemateg a gwyddoniaeth.
Pwy fydd yn cymryd rhan
Bydd tua 150 o ysgolion cynradd a 4,500 o ddisgyblion Blwyddyn 5 ledled Cymru yn cymryd rhan. Bydd ysgolion yn cael eu dewis ar hap drwy broses samplu y cytunwyd arni yn rhyngwladol i sicrhau bod y canlyniadau yn cynrychioli dysgwyr ar draws Cymru.
Pam mae TIMSS yn bwysig
Mae TIMSS yn darparu tystiolaeth ryngwladol werthfawr ynghylch pa mor dda y mae dysgwyr yn datblygu'r wybodaeth a'r sgiliau sydd eu hangen i lwyddo mewn mathemateg a gwyddoniaeth. Bydd y canfyddiadau yn helpu i lywio adnoddau dysgu proffesiynol, y broses o ddatblygu'r cwricwlwm ac arferion dosbarth, gan ategu'r ymdrechion i wella canlyniadau dysgwyr ledled Cymru.
Bydd canlyniadau ysgolion unigol yn cael eu cadw'n gyfrinachol, ac ni fyddant yn cael eu cyhoeddi na'u rhannu.
Dyddiadau pwysig
Cysylltir â'r ysgolion a ddewiswyd i gymryd rhan yn ystod mis Tachwedd 2026. Bydd yr asesiadau yn cael eu cynnal ar ddyddiad i'w gytuno â phob ysgol rhwng 17 Mai a 2 Gorffennaf 2027.
Bydd ysgolion sy'n cymryd rhan yn cael cefnogaeth drwy gydol y broses gan Pearson, sydd wedi'u penodi gan Lywodraeth Cymru i gynnal yr astudiaeth yng Nghymru.
P'un a yw ysgol yn cael ei dewis i gymryd rhan ai peidio, bydd y canlyniadau cenedlaethol yn darparu gwybodaeth bwysig i helpu i wella'r ddealltwriaeth o berfformiad dysgwyr mewn mathemateg a gwyddoniaeth ledled Cymru.
Rhagor o wybodaeth
Mae rhagor o wybodaeth ar gael ar wefan Cymru TIMSS 2027 Pearson.
