Cyfleoedd STEM, Digidol a Seiberddiogelwch i Ysgolion Cynradd gan NDEC
Mae Rhaglen Addysg ac Allgymorth NDEC yn cynnig cyfleoedd cyffrous, ymarferol i ddisgyblion ym Mlwyddyn 3 i 6 ddatblygu eu sgiliau, eu gwybodaeth a'u hymwybyddiaeth o yrfaoedd yn y sectorau digidol, STEM a seiberddiogelwch.
Mae'r rhaglen yn cynnwys ystod o weithgareddau a gynllunnir yn benodol ar gyfer disgyblion ysgol gynradd, gan gynnwys:
Peirianneg Gymdeithasol ar gyfer Blwyddyn 3: gweithdy rhyngweithiol sy'n cyflwyno disgyblion i ddiogelwch ar-lein a pheirianneg gymdeithasol.
Cist Gyfrinachol ar gyfer Blwyddyn 4 : gweithgaredd datrys problemau a gynllunnir i ddatblygu sgiliau meddwl beirniadol a gwaith tîm.
Ymchwiliad Fforensig Digidol ar gyfer Blwyddyn 5 : prosiect aml-sesiwn lle mae disgyblion yn ymchwilio i drosedd ddigidol ffug ac yn datblygu sgiliau fforensig digidol ymarferol.
Cystadleuaeth Rhyngrwyd Pethau (IoT) ar gyfer Blwyddyn 6: prosiect lle mae disgyblion yn dylunio eu dyfais Rhyngrwyd Pethau (IoT) eu hunain, gan ystyried ei bwrpas, ei risgiau a'i seiberddiogelwch.
Prosiect Rhwydweithio ar gyfer Blwyddyn 6: gweithgaredd ymarferol sy'n cyflwyno disgyblion i hanfodion rhwydweithio cyfrifiadurol.
Arweinwyr Digidol, Arwyr Seiber: rhaglen hyfforddi'r hyfforddwr sy'n rhoi'r sgiliau a'r adnoddau i Arweinwyr Digidol rannu negeseuon diogelwch ar-lein o fewn eu hysgol.
Mae'r rhaglen yn gweithio gydag ysgolion cynradd ledled De-ddwyrain Cymru a'i nod yw ysbrydoli disgyblion, codi dyheadau ac arddangos y cyfleoedd gyrfa gyffrous sydd ar gael o fewn STEM, technoleg a seiberddiogelwch.
Mae NDEC hefyd yn datblygu gweithgareddau newydd ar hyn o bryd, sy'n golygu y bydd cyfleoedd pellach i ysgolion ar gael yn y dyfodol.
I gael rhagor o wybodaeth neu i drafod archebu sesiwn, cysylltwch â: ndeceducation@southwales.ac.uk.
