Ry'n ni wedi cadw ffeiliau a elwir yn cwcis ar eich dyfais. Mae'r cwcis hyn yn hanfodol i'r safle weithio

Byddem hefyd yn hoffi cadw rhai cwcis i'n helpu ni i wella'n gwefan drwy gasglu ac adrodd gwybodaeth ar sut yr ydych yn defnyddio'r safle

Beta

Gwefan newydd yw hon – bydd eich adborth yn ein helpu i’w gwella.
English
  1. Cyflwyniad
  2. Datganiadau o’r hyn sy’n bwysig
  3. Egwyddorion cynnydd
  4. Disgrifiadau dysgu
  5. Cynllunio eich cwricwlwm

Disgrifiadau dysgu

Mae’r disgrifiadau dysgu yn rhoi canllawiau ar sut y dylai dysgwyr wneud cynnydd o fewn pob datganiad o’r hyn sy’n bwysig ar eu taith ar hyd y continwwm Dysgu. Dysgu mwy am y disgrifiadau Dysgu.

Mae archwilio’r byd o’n cwmpas yng Nghamau cynnydd 1 a 2 yn darparu sylfaen ar gyfer dysgu ar draws datganiadau am yr hyn sy’n bwysig mewn gwyddoniaeth a thechnoleg. Felly, mae rhai disgrifiadau dysgu yn y camau cynnydd sylfaenol hyn yn cael eu dyblygu ar draws rhai datganiadau yr hyn sy’n bwysig, lle bo hynny’n uniongyrchol berthnasol, er mwyn cefnogi cynllunio ar gyfer cynnydd dysgu yn well.

Mae bod yn chwilfrydig a chwilio am atebion yn hanfodol i ddeall a rhagfynegi ffenomenau

Cam cynnydd 1
Cam cynnydd 2
Cam cynnydd 3
Cam cynnydd 4
Cam cynnydd 5
Mae bod yn chwilfrydig a chwilio am atebion yn hanfodol i ddeall a rhagfynegi ffenomenau

Rwy’n gallu dangos chwilfrydedd a chwestiynu sut mae pethau’n gweithio.

Rwy’n gallu archwilio’r amgylchedd, gwneud arsylwadau a mynegi fy syniadau.

Rwy’n gallu gofyn cwestiynau a defnyddio fy mhrofiad i awgrymu dulliau ymholi syml.

Rwy’n gallu adnabod patrymau ar sail fy arsylwadau a’m hymchwiliadau, ac rwy’n gallu mynegi fy nghanfyddiadau.

Rwy’n gallu defnyddio fy ngwybodaeth a’m dealltwriaeth i ragfynegi effeithiau fel rhan o’m hymchwiliadau gwyddonol.

Rwy’n gallu adnabod y gall yr hyn a wnaf, a’r pethau a ddefnyddiaf, gael effaith ar fy amgylchedd ac ar bethau byw.

Rwy’n gallu archwilio’r berthynas rhwng pethau byw, eu cynefinoedd a’u cylchoedd bywyd.

Rwy’n gallu arsylwi ar a disgrifio’r ffyrdd y mae defnyddiau yn newid wrth eu cymysgu gyda’i gilydd.

Rwy’n gallu archwilio gwahanol ffurfiau o egni, a sut y mae’n gallu cael ei drosglwyddo.

Rwy’n gallu archwilio a mynegi priodweddau sylfaenol golau, sain, trydan a magnetau.

Rwy’n gallu nodi pethau yn yr amgylchedd a all fod yn niweidiol, a gallu gweithredu er mwyn lleihau risg i mi fy hun ac i eraill.

Rwy’n gallu nodi cwestiynau y mae modd eu hymchwilio’n wyddonol, a gallu awgrymu dulliau ymholi addas.

Rwy’n gallu awgrymu canlyniadau ar sail fy ngwaith ymchwil.

Rwy’n gallu gwerthuso dulliau er mwyn awgrymu gwelliannau.

Rwy’n gallu ymchwilio, dyfeisio a defnyddio dulliau ymholi addas er mwyn ymchwilio i’m cwestiynau gwyddonol.

Rwy’n gallu ddefnyddio fy nghanfyddiadau er mwyn dod i gasgliadau dilys.

Rwy’n gallu gwerthuso a nodi ffyrdd o wella dibynadwyedd data, gan ystyried anomaleddau.

Rwy’n gallu dyfeisio, cyfiawnhau a defnyddio dulliau ymholi systematig er mwyn ymchwilio’n drylwyr i gwestiynau gwyddonol, a gallu adnabod cyfyngiadau.

Rwy’n gallu cysylltu canfyddiadau arbrofol a gwybodaeth ddamcaniaethol er mwyn dod i gasgliadau dilys.

Rwy’n gallu gwerthuso ansawdd data yn feirniadol, a chyfiawnhau gwelliannau.

Rwy’n gallu defnyddio ystod o fodelau i esbonio a rhagfynegi.

Rwy’n gallu cymhwyso a gwneud cysylltiadau rhwng amrywiaeth o fodelau a’u defnyddio i gefnogi neu wrthbrofi damcaniaethau.

Rwy’n gallu gwerthuso effeithiolrwydd modelau a’u mireinio er mwyn sicrhau eu bod yn gweddu’n well i’r dystiolaeth sydd ar gael.

Rwy’n gallu mynd i’r afael â materion gwyddonol a thechnolegol i lywio fy marn fy hun.

Rwy’n gallu dewis gwybodaeth wyddonol berthnasol o ystod o ffynonellau tystiolaeth er mwyn gwerthuso honiadau a gyflwynir fel ffeithiau gwyddonol.

Rwy’n gallu adolygu fy safbwyntiau fy hun yn seiliedig ar dystiolaeth wyddonol newydd.

Rwy’n gallu ymchwilio i honiadau a gyflwynir fel ffeithiau gwyddonol, a’u gwerthuso, drwy ystyried dilysrwydd y dystiolaeth ategol.

Rwy’n gallu gwerthuso damcaniaethau amgen, lle nad yw’r dystiolaeth sydd ar gael yn cefnogi un canlyniad yn bendant, a hyn er mwyn llunio barn ystyriol.

Rwy’n gallu deall sut y gall yr hyn a wnaf fi a phobl eraill gael effaith ar yr amgylchedd ac ar bethau byw.

Rwy’n gallu disgrifio effeithiau gwyddoniaeth a thechnoleg, y gorffennol a’r presennol, yn fy mywyd pob-dydd.

Rwy’n gallu esbonio sut mae effaith yr hyn a wnawn ni yn cyfrannu at newidiadau yn yr amgylchedd a bioamrywiaeth.

Rwy’n gallu disgrifio effeithiau gwyddoniaeth a thechnoleg, y gorffennol a’r presennol, ar gymdeithas.

Rwy’n gallu gwerthuso materion cyfoes sy’n effeithio ar y blaned a’i bioamrywiaeth.

Rwy’n gallu gwerthuso effeithiolrwydd ac effaith datrysiadau gwyddonol a thechnolegol ar lefel bersonol, gymdeithasol ac amgylcheddol.

Mae meddylfryd dylunio a pheirianneg yn cynnig ffyrdd technegol a chreadigol i ddiwallu anghenion a dymuniadau cymdeithas

Cam cynnydd 1
Cam cynnydd 2
Cam cynnydd 3
Cam cynnydd 4
Cam cynnydd 5
Mae meddylfryd dylunio a pheirianneg yn cynnig ffyrdd technegol a chreadigol i ddiwallu anghenion a dymuniadau cymdeithas

Rwy’n gallu dylunio wrth wneud, a chyfathrebu am yr hyn rwyf yn ei wneud.

Rwy’n gallu defnyddio offer syml, defnyddiau a chyfarpar yn ddiogel er mwyn adeiladu a dadadeiladu.

Rwy’n gallu archwilio priodweddau defnyddiau, a dewis gwahanol ddefnyddiau at ddefnydd penodol.

Rwy’n gallu nodi, dilyn a dechrau creu dilyniannau a phatrymau mewn gweithgareddau pob-dydd.

Rwy’n gallu cynhyrchu dyluniadau i fynegi fy syniadau mewn ymateb i gyd-destunau penodol.

Rwy’n gallu gwneud penderfyniadau dylunio, gan ddefnyddio fy ngwybodaeth am ddefnyddiau a chynnyrch sy’n bodoli eisoes, ac awgrymu gwelliannau dylunio.

Rwy’n gallu archwilio sut mae gwahanol gydrannau yn cydweithio.

Rwy’n gallu ddefnyddio ystod o offer, defnyddiau a chyfarpar yn ddiogel er mwyn adeiladu at amrywiaeth o ddibenion.

Rwyf wedi cael profiad o ddefnyddio dulliau prototeipio sylfaenol i wella fy nghanlyniadau.

Rwy’n gallu nodi pethau yn yr amgylchedd a all fod yn niweidiol, a gallu gweithredu er mwyn lleihau risg i mi fy hun ac i eraill.

Rwy’n gallu archwilio a disgrifio priodweddau defnyddiau, a chyfiawnhau’r defnydd a wneir ohonyn nhw.

Rwy’n gallu dwyn ysbrydoliaeth o ffynnonellau hanesyddol a diwylliannol ymhlith eraill er mwyn dylunio.

Rwy’n gallu ymateb yn greadigol i anghenion a dymuniadau’r defnyddiwr, yn seiliedig ar gyd-destun ac ar yr wybodaeth a gasglwyd.

Rwy’n gallu ymchwilio a dwyn ysbrydoliaeth o ffynonellau hanesyddol a diwylliannol ymhlith eraill er mwyn dylunio datrysiadau creadigol.

Rwy’n gallu adnabod anghenion a dymuniadau defnyddwyr a gweithredu arnyn nhw mewn cyd-destunau cynyddol heriol.

Rwy’n gallu ymchwilio, dadansoddi a dwyn ysbrydoliaeth o ffynonellau hanesyddol a diwylliannol ymhlith eraill er mwyn dylunio cynigion newydd sy’n ychwanegu gwerth.

Rwy’n gallu mynd i’r afael â phroblemau anodd, ar fy mhen fy hun ac ar y cyd, er mwyn ymdrin â gofynion dylunio ehangach mewn cyd-destunau cynyddol anghyfarwydd.

Rwy’n gallu nodi ac ystyried ffactorau wrth ddatblygu cynigion dylunio.

Rwy’n gallu defnyddio meddylfryd dylunio i brofi a mireinio fy mhenderfyniadau dylunio, heb ofni methu.

Rwy’n gallu cymhwyso fy ngwybodaeth a’m sgiliau wrth wneud fy mhenderfyniadau dylunio er mwyn cynhyrchu canlyniadau penodol.

Rwy’n gallu ystyried sut y bydd fy nghynigion dylunio yn datrys problemau a sut y gall hyn effeithio ar yr amgylchedd.

Rwy’n gallu nodi a blaenoriaethu ffactorau sy’n llywio fy nghynigion dylunio.

Rwy’n gallu datblygu fy meddylfryd dylunio er mwyn profi a mireinio fy mhenderfyniadau dylunio mewn ymateb i lwyddiant a methiant.

Rwy’n gallu datblygu fy ngwybodaeth a’m sgiliau i gefnogi a mireinio fy mhenderfyniadau dylunio er mwyn cynhyrchu canlyniadau pwrpasol.

Rwy’n gallu dilyn proses iterus i wella fy nghynigion dylunio gan leihau eu heffaith negyddol ar yr amgylchedd a’r gymdeithas.

Rwy’n gallu baenoriaethu a chyfiawnhau nifer o ffactorau dylunio i wella effeithiolrwydd fy mhenderfyniadau dylunio.

Rwy’n gallu defnyddio meddylfryd dylunio yn rhugl, gan gynnwys fy llwyddiannau a’m methiannau, er mwyn profi a mireinio fy mhenderfyniadau dylunio.

Rwy’n gallu nodi pan mae angen i mi chwilio gwybodaeth a sgiliau newydd i gefnogi a mireinio fy mhenderfyniadau dylunio. er mwyn cynhyrchu canlyniadau pwrpasol.

Rwy’n gallu dilyn proses iterus yn naturiol, sy’n ystyried canlyniadau bwriadol ac anfwriadol fy nyluniadau, a hyn er mwyn addasu a chyfiawnhau cynigion.

Rwy’n gallu defnyddio dulliau cyfathrebu dylunio i ddatblygu a chyflwyno syniadau, ac ymateb i adborth.

Rwy’n gallu defnyddio amrywiaeth o ddulliau a thechnegau cyfathrebu dylunio er mwyn datblygu a chyflwyno syniadau’n glir, ac rwy’n gallu ymateb yn adeiladol i adborth.

Rwy’n gallu dewis a chymhwyso dulliau cyfathrebu addas yn annibynnol er mwyn datblygu a chyflwyno fy syniadau yn rhugl.

Rwy’n gallu mynd i’r afael ag adborth gan wahanol gynulleidfaoedd ac ymateb yn adeiladol iddo.

Rwy’n gallu cyfuno cydrannau, defnyddiau a phrosesau er mwyn sicrhau bod y cyfan yn weithredol ac i wella effeithiolrwydd fy nghynnyrch terfynol.

Rwy’n gallu ymchwilio, gwerthuso, dewis a chyfuno cydrannau, defnyddiau neu brosesau er mwyn bod fy nghynnyrch terfynol yn gwella o ran swyddogaeth ac effeithiolrwydd.

Rwy’n gallu dewis, cyfiawnhau a chyfuno cydrannau, defnyddiau a phrosesau yn annibynnol er mwyn gwella cynnyrch o ran swyddogaeth. Rwyf hefyd yn gallu gwerthuso effaith y rhain ar effeithiolrwydd fy nghynnyrch terfynol.

Rwy’n gallu dewis a defnyddio offer, defnyddiau a chyfarpar addas yn ddiogel i sicrhau cynnyrch terfynol pwrpasol.

Rwy’n gallu ddefnyddio dull prototeipio fel cyswllt rhwng fy nylunio a’m gwneud.

Rwy’n gallu cymryd i ystyriaeth yr effaith y bydd fy ngwaith llunio yn ei gael ar yr amgylchedd.

Rwy’n gallu dewis a defnyddio offer a thechnegau arbenigol yn ddiogel er mwyn datblygu a llunio fy nghynnyrch terfynol.

Rwy’n gallu ddefnyddio technegau prototeipio i brofi syniadau a helpu gyda’r broses o wneud.

Rwy’n gallu ddefnyddio fy sgiliau gwneud a gwybodaeth am ddefnyddiau i sicrhau cynnyrch terfynol pwrpasol o safon uchel.

Rwy’n gallu gwerthuso a chymhwyso arferion gweithio cyfrifol sy’n ystyried effeithiau amgylcheddol a chymdeithasol.

Rwy’n gallu dewis offer arbenigol yn annibynol, a’i ddefnyddio gyda chywirdeb manwl, er mwyn cyflawni tasgau cymhleth yn ddiogel ac effeithiol.

Rwy’n gallu dewis a chymhwyso prototeipiau manwl a bras yn annibynnol er mwyn profi syniadau, defnyddiau a strwythurau.

Rwy’n gallu ddefnyddio fy sgiliau gwneud a’m gwybodaeth am ddefnyddiau i gynhyrchu cynnyrch terfynol effeithiol o ansawdd uchel.

Rwy’n gallu cymhwyso a chyfiawnhau arferion gweithio cyfrifol sy’n ystyried effeithiau ar yr amgylchedd a chymdeithas.

Mae’r byd o’n cwmpas yn llawn pethau byw sy’n dibynnu ar ei gilydd i oroesi

Cam cynnydd 1
Cam cynnydd 2
Cam cynnydd 3
Cam cynnydd 4
Cam cynnydd 5
Mae’r byd o’n cwmpas yn llawn pethau byw sy’n dibynnu ar ei gilydd i oroesi

Rwy’n gallu adnabod bod planhigion ac anifeiliaid yn bethau byw sy’n tyfu.

Rwy’n gallu nodi, dilyn a dechrau creu dilyniannau a phatrymau mewn gweithgareddau pob-dydd.

Rwy’n gallu adnabod patrymau ar sail fy arsylwadau a’m hymchwiliadau, ac rwy’n gallu mynegi fy nghanfyddiadau.

Rwy’n gallu defnyddio fy ngwybodaeth a’m dealltwriaeth i ragfynegi effeithiau fel rhan o’m hymchwiliadau gwyddonol.

Rwy’n gallu adnabod y gall yr hyn a wnaf, a’r pethau a ddefnyddiaf, gael effaith ar fy amgylchedd ac ar bethau byw.

Rwy’n gallu archwilio’r berthynas rhwng pethau byw, eu cynefinoedd a’u cylchoedd bywyd.

Rwy’n gallu disgrifio sut mae pethau byw yn cystadlu am adnoddau penodol ac yn dibynnu ar ei gilydd er mwyn goroesi.

Rwy’n gallu disgrifio nodweddion organebau ac adnabod sut mae’r nodweddion hyn yn galluogi’r organebau i fyw, tyfu ac atgenhedlu er mwyn gallu goroesi yn eu hamglychedd.

Rwy’n gallu disgrifio cyd-ddibyniaeth organebau mewn ecosystemau ac esbonio sut mae hyn yn effeithio ar eu siawns o oroesi.

Rwy’n gallu esbonio sut y gall atgenhedlu, mwtaniadau a’r amgylchedd arwain at amrywiad ac addasiadau o fewn organebau a all effeithio ar eu siawns o oroesi.

Rwy’n gallu esbonio sut mae amrywiad organebau o fewn amgylchedd cyfnewidiol yn arwain at ddethol naturiol, sy’n ei dro yn llywio esblygiad.

Rwy’n gallu esbonio’r rôl gwahanol organau a systemau sy’n galluogi i blanhigion ac anifeiliaid fyw a thyfu.

Rwy’n gallu disgrifio rhai newidiadau mewn tyfiant a datblygiad sy’n cael eu hachosi gan hormonau.

Rwy’n gallu disgrifio lefelau trefniadaeth celloedd, a sut mae celloedd yn cyflawni prosesau biolegol sy’n sicrhau bod organebau’n datblygu a goroesi.

Rwy’n gallu esbonio sut mae prosesau biolegol a mecanweithiau rheoli yn galluogi i organebau weithio, datblygu, atgenhedlu a goroesi.

Rwy’n gallu nodi’r bygythiadau i ddatblygiad ac iechyd organebau ac yn adnabod rhai amddiffynfeydd naturiol, ataliad haint a thriniaethau.

Rwy’n gallu esbonio’r bygythiadau i ddatblygiad ac iechyd organebau, a gallu disgrifio sut mae effeithiau’r rhain yn cael eu lleihau drwy amddiffynfeydd naturiol, ataliad haint a thriniaethau.

Rwy’n gallu gwerthuso’r ffactorau ay’n effeithio ar ddatblygiad ac iechyd organebau.

Rwy’n gallu esbonio sut y gall ataliad haint a thriniaeth gefnogi systemau amddiffyn naturiol, a gwella iechyd organebau.

Mae mater, a’r ffordd y mae’n ymddwyn, yn diffinio ein bydysawd ac yn ffurfio ein bywydau

Cam cynnydd 1
Cam cynnydd 2
Cam cynnydd 3
Cam cynnydd 4
Cam cynnydd 5
Mae mater, a’r ffordd y mae’n ymddwyn, yn diffinio ein bydysawd ac yn ffurfio ein bywydau

Rwy’n gallu archwilio priodweddau defnyddiau, a dewis gwahanol ddefnyddiau at ddefnydd penodol.

Rwy’n gallu nodi, dilyn a dechrau creu dilyniannau a phatrymau mewn gweithgareddau pob-dydd.

Rwy’n gallu adnabod patrymau ar sail fy arsylwadau a’m hymchwiliadau, ac rwy’n gallu mynegi fy nghanfyddiadau.

Rwy’n gallu defnyddio fy ngwybodaeth a’m dealltwriaeth i ragfynegi effeithiau fel rhan o’m hymchwiliadau gwyddonol.

Rwy’n gallu gwneud penderfyniadau dylunio, gan ddefnyddio fy ngwybodaeth am ddefnyddiau a chynnyrch sy’n bodoli eisoes, ac awgrymu gwelliannau dylunio.

Rwy’n gallu archwilio a disgrifio priodweddau defnyddiau, a chyfiawnhau’r defnydd a wneir ohonyn nhw.

Rwy’n gallu arsylwi ar a disgrifio’r ffyrdd y mae defnyddiau yn newid wrth eu cymysgu gyda’i gilydd.

Rwy’n gallu adnabod bod newidiadau mewn defnyddiau, o dan wahanol amodau, yn effeithio ar eu priodweddau a’r defnydd a wneir ohonyn nhw.

Rwy’n gallu disgrifio ac esbonio priodweddau gwahanol fathau o fater a nodi sut mae hyn yn berthnasol i sut maen nhw’n cael eu defnyddio.

Rwy’n gallu ddefnyddio’r hyn rwy’n ei wybod am natur atomig mater er mwyn esbonio strwythur a phriodweddau defnyddiau, a chymhwyso hyn i ba ddefnydd a wneir ohonyn nhw.

Rwy’n gallu disgrifio gwahanol fathau o adweithiau cemegol, egluro’r defnydd a wneir ohonyn nhw a nodi unrhyw effeithiau’r cynnyrch sy’n cael ei ffurfio.

Rwy’n gallu defnyddio’r hyn rwy’n ei wybod am adweithiau cemegol i esbonio beth sy’n digwydd pan mae amodau yn cael eu newid.

Rwy’n gallu esbonio sut a pham mae gwahanol fathau o adweithiau cemegol yn digwydd, a gallu disgrifio’r rhain mewn termau atomig neu foleciwlaidd, yn ogystal â mewn termau meintiol.

Rwy’n deall sut y gellir rheoli a chadw trefn ar gynnyrch ac effeithiau adweithiau.

Rwy’n gallu adnabod bod ein planed yn darparu defnyddiau naturiol, a gallu esbonio pam y gellir eu bod wedi cael eu prosesu i’w gwneud yn ddefnyddiol.

Rwy’n gallu defnyddio gwahanol ddulliau i ddadansoddi defnyddiau er mwyn deall eu cyfansoddiad.

Rwy’n gallu disgrifio sut mae angen gwahanol dechnegau i wahanu a phuro defnyddiau amrywiol.

Rwy’n gallu ddefnyddio fy ngwybodaeth a’m dealltwriaeth o fater i esbonio sut y gellir defnyddio gwahanol dechnegau i echdynnu puro a dadansoddi defnyddiau at amrywiaeth o ddibenion.

Mae grymoedd ac egni yn gosod sail i ddeall ein bydysawd

Cam cynnydd 1
Cam cynnydd 2
Cam cynnydd 3
Cam cynnydd 4
Cam cynnydd 5
Mae grymoedd ac egni yn gosod sail i ddeall ein bydysawd

Rwy’n gallu nodi, dilyn a dechrau creu dilyniannau a phatrymau mewn gweithgareddau pob-dydd.

Rwy’n gallu adnabod patrymau ar sail fy arsylwadau a’m hymchwiliadau, ac rwy’n gallu mynegi fy nghanfyddiadau.

Rwy’n gallu defnyddio fy ngwybodaeth a’m dealltwriaeth i ragfynegi effeithiau fel rhan o’m hymchwiliadau gwyddonol.

Rwy’n gallu archwilio gwahanol ffurfiau o egni, a sut y mae’n gallu cael ei drosglwyddo.

Rwy’n gallu mynegi’r effaith y mae grymoedd yn ei gael arnaf fi ac ar wrthrychau.

Rwy’n gallu archwilio a mynegi priodweddau sylfaenol golau, sain, trydan a magnetau.

Rwy’n gallu archwilio sut mae gweithredu grymoedd penodol yn gallu effeithio ar fudiant gwrthrych.

Rwy’n gallu ddefnyddio modelau syml mewn amrywiaeth o ffurfiau i ddisgrifio’r grymoedd sy’n gweithredu ar wrthrych.

Rwy’n gallu esbonio a chyfrifo sut mae nifer o rymoedd sy’n gweithedau ar wrthrych yn effeithio ar ei fudiant.

Rwy’n gallu dadansoddi symudiad gwrthrychau’n feintiol, a deall sut y gall gweithredu grymoedd arnyn nhw newid eu mudiant.

Rwy’n gallu esbonio y gellir trosglwyddo egni o un lle i’r llall, a sut y gellir defnyddio hyn i ddarparu’r egni sydd ei angen arnom yn ein bywydau modern.

Rwy’n gallu deall cadwraeth egni a gallu esbonio bod egni’n cael ei ddefnyddio ar wahanol gyfraddau, a bod hyn yn effeithio ar bŵer ac effeithlonrwydd system.

Rwy’n gallu cymhwyso’r hyn rwy’n ei wybod am egni a grymoedd i ddyluniadau newydd, a gallu gwella effeithlonrwydd systemau.

Rwy’n gallu meintioli’r egni mewn systemau a chymhwyso hyn i ddyluniadau system er mwyn gwella effeithlonrwydd.

Rwy’n gallu disgrifio’r ffactorau sy’n effeithio ar gylchedau trydanol, a bydd hyn yn galluogi i mi addasu newidynnau a rhagfynegi beth fydd yn digwydd.

Rwy’n gallu esbonio’r ffactorau sy’n effeithio ar gerrynt a disgrifio’r ffordd y mae’n ymddwyn mewn amrywiol gylchedau.

Rwy’n gallu dylunio a chreu cylchedau fydd yn cyflawni gwaith penodol.

Rwy’n gallu esbonio a modelu’n feintiol sut mae cylchedau’n ymddwyn.

Rwy’n gallu dylunio ac adeiladu cylchedau aml-gydran yn annibynnol er mwyn datrys problemau.

Rwy’n gallu esbonio sut mae priodweddau sain a golau yn effeithio ar sut maen nhw’n cael eu profi.

Wrth drin priodweddau sain a golau, rwy’n gallu cynhyrchu effaith pendodol.

Rwy’n gallu rhagfynegi ymddygiad tonnau mewn gwahanol sefyllfaoedd.

Trwy gymhwyso rheolau syml, rwy’n gallu defnyddio tonnau i ddysgu mwy am y byd o’m cwmpas.

Rwy’n gallu esbonio sut a pham mae amrywiol gategorïau o donnau yn cael eu defnyddio at wahanol ddibenion.

Rwy’n gallu cymhwyso dealltwriaeth o donnau i ofyn cwestiynau a datrys problemau.

Rwy’n gallu disgrifio sut mae meysydd magnetig yn ymddwyn, ac archwilio gwahanol ffyrdd ymarferol o’u defnyddio.

Rwy’n gallu archwilio meysydd magnetig trwy arbrofi er mwyn ymchwilio i ffactorau sy’n effeithio ar eu cryfder.

Rwy’n gallu cymhwyso fy nealltwriaeth o sut mae meysydd yn rhyngweithio er mwyn archwilio’r gwahanol ffyrdd o ddefnyddio magnetedd.

Rwy’n gallu defnyddio modelau i sicrhau dealltwriaeth ddyfnach o’r cysylltiadau rhwng grym, cerrynt a meysydd magnetig.

Mae cyfrifiaduraeth yn gosod sail i’n byd digidol

Cam cynnydd 1
Cam cynnydd 2
Cam cynnydd 3
Cam cynnydd 4
Cam cynnydd 5
Mae cyfrifiaduraeth yn gosod sail i’n byd digidol

Rwy’n gallu nodi, dilyn a dechrau creu dilyniannau a phatrymau mewn gweithgareddau pob-dydd.

Rwy’n dechrau dilyn cyfres o gyfarwyddiadau.

Rwy’n gallu arbrofi ag ystod o dechnolegau cyfrifiadurol yn y byd o’m cwmpas, a nodi pa ddefnydd a wneir ohonyn nhw.

Rwy’n gallu defnyddio ystod o offer, defnyddiau a chyfarpar yn ddiogel er mwyn adeiladu at amrywiaeth o ddibenion.

Rwy’n gallu defnyddio technegau meddylfryd cyfrifiadurol gan ddefnyddio gweithgareddau di-blwg neu all-lein.

Rwy’n gallu creu algorithmau syml ac yn dechrau esbonio camgymeriadau.

Rwy’n gallu dilyn algorithmau i ddarganfod eu pwrpas a rhagfynegi canlyniadau.

Rwy’n dechrau esbonio pwysigrwydd data cywir a dibynadwy er mwyn sicrhau canlyniad boddhaol.

Rwy’n gallu ddilyn cyfarwyddiadau er mwyn adeiladu a rheoli dyfais ffisegol.

Rwy’n gallu defnyddio datganiadau amodol i ychwanegu rheoli a phenderfyniadau at algorithmau.

Rwy’n gallu nodi patrymau ailadroddol a defnyddio dolennau i wneud fy algorithmau yn fwy cryno.

Rwy’n gallu esbonio a dadfygio algorithmau.

Rwy’n gallu dadelfennu problemau penodedig a dewis lluniadau addas i fynegi datrysiadau mewn amrywiaeth o amgylcheddau.

Rwy’n gallu dewis a defnyddio strwythurau data sy’n rheoli data yn effeithlon mewn algorithmau.

Rwy’n gallu cynllunio a gweithredu strategaethau profi er mwyn adnabod gwallau mewn rhaglenni.

Rwy’n gallu nodi, diffinio a dadelfennu problemau, dewis lluniadau addas a mynegi datrysiadau mewn amrywiaeth o amgylcheddau.

Rwy’n gallu defnyddio technegau trafod ffeiliau i drin data mewn algorithmau.

Rwy’n gallu profi, gwerthuso a gwella datrysiadau mewn meddalwedd.

Rwy’n gallu defnyddio synwyryddion ac ysgogyddion mewn systemau sy’n casglu a phrosesu data am amgylchedd y systemau.

Rwy’n gallu nodi elfennau dylunio cadarnhaol a negyddol sy’n effeithio ar sut mae defnyddwyr yn rhyngweithio.

Rwy’n gallu dethol a defnyddio nifer o synwyryddion ac ysgogyddion sy’n galluogi i systemau cyfrifiadurol ryngweithio gyda’r byd o’u cwmpas.

Rwy’n gallu cymhwyso egwyddorion dylunio er mwyn dylunio ystod o ryngweithiau effeithlon ar gyfer defnyddwyr.

Rwy’n gallu cynllunio a chreu systemau ffisegol sy’n defnyddio cydrannau addas a rhesymeg i gyflawni tasgu neu i gyrraedd at nod.

Rwy’n gallu cymhwyso egwyddorion dylunio er mwyn dylunio ystod o ryngweithiau effeithlon ar gyfer defnyddwyr, a gwerthuso effeithiolrwydd trwy astudiaethau’r defnyddwyr.

Rwy’n gallu esbonio sut y gellir rhyng-gysylltu dyfeisiau digidol yn lleol a byd-eang.

Rwy’n gallu esbonio pwysigrwydd diogelu’r dechnoleg rwy’n ei defnyddio a phwysigrwydd gwarchod safon fy nata.

Rwy’n gallu esbonio sut mae fy nata yn cael eu defnyddio gan wasanaethau er mwyn fy helpu i wneud penderfyniadau mwy gwybodus wrth ddefnyddio technoleg.

Rwy’n gallu esbonio sut mae systemau’n cyfathrebu, er mwyn dylunio rhwydwaith.

Rwy’n gallu esbonio’r technegau a ddefnyddir i gadw a throsglwyddo data, a deall sut maen nhw’n agored i niwed.

Rwy’n gallu adeiladu a phrofi systemau cyfathrebu gyda’r nod o warchod fy systemau a’m data fy hun.

Rwy’n gallu esbonio sut mae data yn cael ei storio a’i brosesu.

Rwy’n gallu storio a thrin data yn effeithiol er mwyn cynhyrchu a dangos gwybodaeth ddefnyddiol yn weledol.

Rwy’n gallu dewis y ffurf fwyaf addas o gadw data a’u harchwilio.

Rwy’n gallu defnyddio gweithredyddion mathemategol a rhesymegol o fewn gwahanol feddalwedd er mwyn archwilio trywydd ymholi yn annibynnol.

Rwy’n gallu cymhwyso technegau cyfrifiadurol i archwilio setiau data er mwyn cael gwybodaeth ddefnyddiol ohonyn nhw.