Cwricwlwm ar gyfer lleoliadau meithrin a ariennir nas cynhelir

Datblygwyd y cwricwlwm hwn ar gyfer lleoliadau meithrin a ariennir nas cynhelir am ei fabwysiadu, pe bydden nhw’n dymuno gwneud hynny. At ddefnydd y canlynol y mae yn bennaf:

• arweinwyr, ymarferwyr a phwyllgorau rheoli lleoliadau meithrin nas cynhelir sy’n cael eu hariannu i ddarparu addysg gynnar yng Nghymru

• athrawon ymgynghorol y blynyddoedd cynnar, neu'r rhai mewn rolau cyfatebol mewn awdurdodau lleol a chonsortia rhanbarthol, sy'n cefnogi lleoliadau wrth gynllunio a darparu addysg gynnar

• sefydliadau eraill sy'n darparu cymorth proffesiynol i leoliadau nas cynhelir

• arweinwyr, ymarferwyr a phwyllgorau rheoli lleoliadau meithrin nas cynhelir nad ydyn nhw’n cael eu hariannu i ddarparu addysg gynnar ond y mae'n ofynnol, o dan y Safonau Gofynnol Cenedlaethol ar gyfer Gofal Plant a Reoleiddir, iddyn nhw ymarfer yn unol â gofynion statudol y cwricwlwm

Wrth gyflawni dyletswydd statudol Llywodraeth Cymru, mae'r cwricwlwm hwn yn bodloni'r gofynion canlynol:

• mae’n galluogi dysgwyr i ddatblygu yn y ffordd a ddisgrifir ym mhedwar diben y cwricwlwm

• mae'n eang ac yn gytbwys

• mae’n addas ar gyfer dysgwyr o wahanol oedrannau, galluoedd a doniau

• mae'n darparu llwybr cynnydd priodol i bob dysgwr

Mae'r cwricwlwm hwn hefyd yn:

• cwmpasu’r chwe maes dysgu a phrofiad

• cwmpasu'r 27 datganiad o’r hyn sy’n bwysig

• adlewyrchu egwyddorion cynnydd

• cwmpasu elfennau gorfodol y cwricwlwm, gan gynnwys y sgiliau trawsgwricwlaidd gorfodol

Dylai lleoliadau sy'n dewis mabwysiadu'r cwricwlwm hwn ei ddefnyddio yn ei gyfanrwydd i gefnogi cynllunio effeithiol er mwyn sicrhau cwricwlwm sy'n briodol yn ddatblygiadol ar gyfer ein dysgwyr ieuengaf.

Er mwyn cefnogi ysgolion a lleoliadau ymarferwyr wrth weithredu'r cwricwlwm a'r trefniadau asesu, rydym wedi datblygu 2 set o fodiwlau dysgu.

Dysgu proffesiynol: cefnogaeth dysgu sylfaen i ymarferwyr mewn ysgolion a lleoliadau 

Mae'r adnodd dysgu proffesiynol: cefnogaeth dysgu sylfaen i ymarferwyr mewn ysgolion a lleoliadau yn canolbwyntio ar: 

• dysgu yn yr awyr agored

• datblygiad plant

• cyfnodau pontio

• arsylwi

• chwarae a dysgu sy’n seiliedig ar chwarae

• dysgu dilys a phwrpasol

Dysgu proffesiynol: cwricwlwm ar gyfer lleoliadau meithrin a ariennir nas cynhelir 

Mae'r adnodd dysgu proffesiynol: cwricwlwm ar gyfer lleoliadau meithrin a ariennir nas cynhelir yn canolbwyntio ar: 

• deall Cwricwlwm i Gymru a datblygiad cwricwlwm ar gyfer lleoliadau meithrin a ariennir nas cynhelir

• deall y pum llwybr datblygu ac addysgeg

• datblygiad sgematig: sylwi ar y patrymau ymddygiad ailadroddus mewn chwarae plant a’u cefnogi

• arweinyddiaeth mewn lleoliadau meithrin nas cynhelir

Os hoffech fersiwn testun plaen o’r ddogfen hon, cysylltwch â CwricwlwmiGymru@llyw.cymru