Cynllun pontio cynradd i uwchradd cyfrwng Cymraeg

Mae ein strategaeth ar gyfer yr iaith Gymraeg, Cymraeg 2050, yn gosod targedau hirdymor ar gyfer cynyddu nifer yr athrawon cyfrwng Cymraeg a Chymraeg fel a ganlyn. Yn fras, rydym yn recriwtio nifer digonol o athrawon cyfrwng Cymraeg i'r sector cynradd i allu cyrraedd y targedau. Fodd bynnag, mae cyrraedd y targedau ar gyfer y sector uwchradd yn her. Mae angen ffocws penodol ar gynyddu nifer yr athrawon uwchradd a all addysgu Cymraeg fel pwnc ac addysgu drwy gyfrwng y Gymraeg.

Nod y cynllun yw cynyddu nifer yr athrawon uwchradd cyfrwng Cymraeg. Cychwynnodd cynllun pontio peilot ym mis Medi 2020. Ers hynny mae 96 o athrawon wedi dilyn y cynllun. Yn sgil adborth cadarnhaol gan yr athrawon a’r ysgolion sydd wedi cymryd rhan byddwn yn parhau gyda’r cynllun yn 2026 i 2027 a chynnig cyfle i 20 athro arall.

Bydd y rhaglen yn cael ei darparu mewn partneriaeth rhwng ysgolion a darparwyr addysg gychwynnol athrawon (AGA) dros gyfnod o flwyddyn ysgol.

Bydd pedwar diwrnod o gefnogaeth yn cael eu darparu gan y darparwyr AGA ar y themâu canlynol:

• rheolaeth dosbarth

• rheolaeth ymddygiad

• lles yr athro a datblygu dycnwch

• strategaethau rheoli amser a llwyth gwaith

• trosolwg technegau cynllunio gwersi

• trosolwg o’r cwricwlwm newydd

• mewnbwn ieithyddol: yn ôl angen yr unigolion

Bydd ysgolion yn gyfrifol am ddarparu ystod o brofiadau a chefnogaeth a fydd yn darparu datblygiad proffesiynol i unigolion ar y canlynol:

• mewnbwn pynciol

• marcio ac adborth

• cynllunio gwersi

Bydd disgwyl i bob unigolyn addysgu gwersi gydag amserlen yn cynyddu dros y flwyddyn. Bydd gan bob unigolyn fynediad i Gefnogwr Proffesiynol o fewn yr ysgol a fydd yn gyfrifol am gynnal deialog proffesiynol am ddatblygiad gyda’r unigolyn bob pythefnos ac i fod yn cefnogi mewn gwers unwaith y pythefnos.

Edrychwn am 20 o unigolion brwdfrydig sydd â gweledigaeth gadarn dros ddatblygu disgyblion yn ddysgwyr annibynnol, hyderus a llwyddiannus. Mae’r cyfle hwn yn agored i geisiadau llawn amser neu ran amser.

Gwahoddwn geisiadau gan athrawon cymwys yn y categorïau canlynol:

• Athrawon cynradd yng Nghymru sydd â diddordeb mewn datblygu gyrfa mewn ysgol uwchradd.

• Athrawon cynradd neu uwchradd sydd yn gweithio mewn ysgolion trwy gyfrwng y Saesneg yng Nghymru neu.

• Athrawon sy’n gweithio tu allan i Gymru ond am ddychwelyd i ddysgu mewn ysgol uwchradd yng Nghymru ac angen cefnogaeth i bontio’n ieithyddol ac o ran gofynion y cwricwlwm.

• Athrawon cynradd ac uwchradd sydd am ddychwelyd i'r proffesiwn ar ôl cyfnod o bum mlynedd neu fwy.

Nid yw’r canlynol yn gymwys:

• Athrawon newydd gymhwyso sydd heb gwblhau eu cyfnod ymsefydlu.

• Athrawon sydd heb gwblhau eu cwrs TAR.

• Ysgolion Partner sy’n rhan o’r cynllun yn 2026 i 2027.

Croesewir ceisiadau i’r ysgolion canlynol sydd wedi eu dewis fel ysgol bartner i’r Cynllun Pontio cynradd i uwchradd

• Ysgol Bodedern

• Ysgol Bro Dur

• Ysgol Bro Myrddin

• Ysgol Bro Pedr

• Ysgol Bro Teifi

• Ysgol Brynrefail

• Ysgol David Hughes

• Ysgol Dyffryn Conwy

• Ysgol Dyffryn Nantlle

• Ysgol Eifionydd

• Ysgol Glantaf

• Ysgol Gwent Is-Coed

• Ysgol Gyfun Aberaeron

• Ysgol Gyfun Ystalyfera

• Ysgol Plasmawr

• Ysgol Rhydywaun

• Ysgol Tryfan

• Ysgol Y Creuddyn

• Ysgol Y Moelwyn

• Ysgol Gwynllyw

Croesewir ceisiadau gan unigolion i addysgu unrhyw bwnc, ond yn ddibynnol ar anghenion gwahanol ardaloedd ac ysgolion sy’n rhan o’r cynllun:

• Bioleg

• Cemeg

• Dylunio a Thechnoleg

• Gwyddoniaeth gyfrifiadurol / Technoleg Gwybodaeth

• Mathemateg

• Ieithoedd tramor modern

• Ffiseg

• Cymraeg

• Saesneg

• Galwedigaethol

• Anghenion Dysgu Ychwanegol

Bydd unigolion yn mynegi diddordeb i fod yn rhan o’r cynllun trwy Lywodraeth Cymru trwy lawrlwytho’r ffurflen ac e-bostio’r ffurflen gan ddefnyddio’r ddogfen isod. Bydd rhain yn cael eu rhannu gydag ysgolion partner i’w hystyried a symud y broses ymgeisio ffurfiol yn ei blaen.

Y dyddiad cau yw 11:59pm ar ddydd Sul 12 Ebrill 2026.

Bydd cyfweliadau yn cael eu cynnal yn yr ysgolion partner cyn gwyliau’r Sulgwyn.

Bydd pob unigolyn yn derbyn cyflog ar y raddfa briodol am flwyddyn ysgol. Bydd yr unigolion yn derbyn cytundeb ac yn cael eu talu gan yr ysgolion neu awdurdodau lleol. Ni fydd gwarant swydd barhaol ar ddiwedd y rhaglen, ond bydd cyfle i unigolion ymgeisio am swyddi gweigion mewn ysgolion uwchradd.

Os oes angen gwybodaeth bellach arnoch, cysylltwch â thîm y Cynllun Pontio Cyfrwng Cymraeg ar AthrawonCC.WMTeachers@llyw.cymru.