Beth yw'r disgwyliadau gen i

Mae'r rhaglen CPCP Cymru yn brofiad dysgu proffesiynol hanfodol ac, os ydych chi'n credu ei fod ar eich cyfer chi, bydd disgwyliadau proffesiynol arnoch yn unol â chyfrifoldebau prifathrawiaeth. Fel unigolyn sy'n cymryd rhan yn y rhaglen, bydd disgwyl ichi gytuno i:

• ganolbwyntio’n ddi-ildio ar wella prosesau addysgu a dysgu a deilliannau

• cymryd cyfrifoldeb llawn am eich dysgu proffesiynol eich hun

• datblygu eglurder ynghylch y graddau y gall dimensiynau arweinyddiaeth a'r gallu i fod yn arweinydd effeithiol gael effaith ar ddeilliannau disgyblion

• bod yn ymrwymedig i arwain ar agwedd ar welliant gwirioneddol mewn ysgol gan ganolbwyntio ar elfennau o'r agenda genedlaethol, a fydd yn rhoi mewnwelediad i chi ar arweinyddiaeth a datblygu sgiliau

• gweithredu ar yr adborth a gynigir gan yr Hyfforddwr Arweinyddiaeth a chyfranogwyr eraill

• myfyrio ar ganlyniadau eich hunanasesiad 360 a datblygu eich meysydd gwella

• bod yn agored ac yn onest am y llwyddiannau a'r heriau yn eich lleoliad eich hun

• ymdrin â lleoliadau eraill gyda meddwl agored a pharodrwydd i ddysgu

• parchu cyfrinachedd. Bydd cyfranogwyr yn cytuno i beidio â datgelu unrhyw wybodaeth a rennir gan eraill mewn unrhyw gyd-destun heb ganiatâd penodol. Mae'r cyd-destunau yn cynnwys sesiynau hyfforddi, o fewn lleoliadau ysgol, cyfarfodydd y corff llywodraethu neu ar elfennau preswyl

• meithrin yr arfer o ymgysylltu'n rheolaidd â llenyddiaeth ac ymchwil berthnasol a chwblhau unrhyw ddarllen, aseiniadau neu weithgareddau ymlaen llaw

• meithrin rhwydweithiau proffesiynol gyda chydweithwyr yn lleol, yn genedlaethol ac yn fyd-eang a fydd yn eich gwthio ac yn cynnal uchelgais proffesiynol

• mynd ati i chwilio am gyfleoedd i ymgysylltu ag agweddau rheoli ar arweinyddiaeth ysgolion yn eich lleoliad eich hun

• mynychu holl agweddau gorfodol y cwrs (sesiynau preswyl, ymweliadau ysgol a sesiynau hyfforddi)

• cadw at y dyddiadau cau yn ôl y gofyn

• rhoi adborth adeiladol i drefnwyr y rhaglen