Dosbarth Braf, Meddyliau Bywiog: dysgu proffesiynol i addysgwyr

Drwy gymryd rhan yn Dosbarth Braf, Meddyliau Bywiog, byddwch yn:

• datblygu hyder a hunan-effeithiolrwydd yn yr ystafell ddosbarth

• sicrhau dulliau gweithredu ymarferol ar gyfer rheoli ymddygiad a lles

• cynyddu eich gwybodaeth am ddatblygiad, niwroamrywiaeth ac iechyd meddwl plant

• cysylltu â chymheiriaid ledled Cymru a siapio rhaglen genedlaethol

Mae hyn yn fwy na hyfforddiant; mae’n gyfle i fuddsoddi yn eich twf proffesiynol chi a helpu i siapio menter lles sy’n edrych i’r dyfodol.

Cynhelir y rhaglen dros 12 wythnos (Ionawr i Ebrill 2027) ac mae’n cynnwys:

• sesiynau dysgu wyneb yn wyneb

• modiwlau hunan-gyfeiriedig ar-lein

• trafodaethau cymorth cymheiriaid ar-lein

• amser i fyfyrio ac ymarfer yn yr ystafell ddosbarth

Mae holl gynnwys y rhaglen ar gael yn Gymraeg a Saesneg.

Byddwch yn rhan o garfan o rhwng 60 i 80 o addysgwyr o bob cwr o Gymru. Bydd grwpiau yn cael eu dyrannu yn ôl rôl, rhanbarth a dewis iaith.

Rydym yn derbyn cyfranogwyr ar sail y cyntaf i gofrestru sy’n cael y flaenoriaeth. Byddwn yn sicrhau y bydd addysgwyr o bob rhan o Gymru yn cael eu cynrychioli.

Mae Llywodraeth Cymru’n darparu £1,050 fesul cyfranogwr i dalu’r holl gostau. Mae hyn yn cynnwys:

• darpariaeth llanw

• teithio

• llety

Bydd y ffi sefydlog o £1,050 ar gael yn ystod y cam ail garfan hwn yn unig. Felly, mae’n gyfle unigryw i helpu i siapio menter lles genedlaethol.

Meini prawf cymhwysedd

• Dim ond un cyfranogwr fesul ysgol all ymuno â’r rhaglen.

• Disgwylir i chi fynychu pob sesiwn oni fydd argyfwng yn codi.

• Bydd cyfranogwyr yn cyfrannu at werthusiad annibynnol drwy adborth a chyfweliadau dewisol.

Cofrestrwch nawr

Cofrestrwch ar-lein erbyn 18 Tachwedd 2026.

Os bydd gennych gwestiynau cyn cofrestru, cysylltwch â: post@dysgu.llyw.cymru

Mae’r rhaglen hon yn cael ei darparu mewn partneriaeth ag Education Support ac mae’n cael ei hariannu gan Lywodraeth Cymru drwy Dysgu.