Hyd: amrywiol
Lleoliad: dysgu wyneb yn wyneb ac ar-lein
Cynulleidfa: athrawon yng nghamau cynnar eu gyrfa
Mae’r llwybr Athrawon Gyrfa Gynnar yn cefnogi athrawon yn ystod pum mlynedd gyntaf eu hymarfer proffesiynol. Mae'n darparu cyfleoedd strwythuredig ar gyfer myfyrio, cydweithio a thwf proffesiynol, gan helpu athrawon i ddatblygu'r wybodaeth, y sgiliau a'r hyder sydd eu hangen i gael effaith gadarnhaol ar ddysgwyr.
Wedi’i alinio â’r Cwricwlwm i Gymru a’r Safonau Proffesiynol ar gyfer Addysgu ac Arweinyddiaeth, mae’r llwybr yn cydnabod y cyfleoedd a’r heriau unigryw a brofir gan athrawon wrth iddyn nhw sefydlu a mireinio eu hymarfer. Drwy ddysgu proffesiynol, rhwydweithiau cyfoedion a mynediad at adnoddau o ansawdd uchel, mae cyfranogwyr yn cael eu cefnogi i atgyfnerthu eu haddysgeg, gwella ymgysylltiad y dysgwr a datblygu gyrfaoedd cynaliadwy, boddhaus ym myd addysg.
Mae Dysgu wedi gwahodd Awdurdodau Lleol ledled Cymru i ddatblygu a darparu rhaglenni dysgu proffesiynol i Athrawon Gyrfa Gynnar. Cynlluniwyd y cynlluniau peilot hyn i archwilio dulliau arloesol ac ymatebol i gefnogi athrawon yn ystod camau cynnar eu gyrfa, gan gydnabod cyd-destunau ac anghenion gwahanol ysgolion, lleoliadau a chymunedau lleol.
Mae’r cynlluniau peilot yn darparu cyfleoedd i Athrawon Gyrfa Gynnar ymgysylltu mewn dysgu proffesiynol o ansawdd uchel, cydweithio â chyfoedion, myfyrio ar eu hymarfer a chryfhau eu dealltwriaeth o addysgu effeithiol yn y Cwricwlwm i Gymru.
Bydd dysgu o’r rhaglenni hyn yn helpu i siapio a hysbysu cyfleoedd dysgu proffesiynol cenedlaethol yn y dyfodol i Athrawon Gyrfa Gynnar, gan sicrhau bod y gefnogaeth yn parhau i gyflawni anghenion ymarferwyr ledled Cymru.
Oherwydd bod rhaglenni’n cael eu dylunio’n lleol, gall y cynnwys amrywio. Gallai meysydd ffocws gynnwys:
addysgeg ac ymarfer effeithiol yn yr ystafell ddosbarth
cyflwyno’r Cwricwlwm i Gymru
asesiad a chynnydd
dulliau addysgu cynhwysol a chyfartal
ymholiadau ac ymarfer myfyriol proffesiynol
llesiant a gwytnwch athrawon
hunaniaeth broffesiynol a datblygiad gyrfa
cydweithio a rhwydweithio proffesiynol
Pennir y modelau cyflenwi gan yr Awdurdodau Lleol sy’n cymryd rhan a gallant gynnwys:
gweithdai wyneb yn wyneb
sesiynau dysgu ar-lein
rhaglenni dysgu cyfunol
cymunedau dysgu proffesiynol
cymunedau ymarfer
cyfleoedd mentora a hyfforddi
dysgu proffesiynol hunan-gyfeiriedig
Mae hyd rhaglen yn amrywio yn ôl darpariaeth beilot yr Awdurdod Lleol. Disgwylir i’r rhan fwyaf o raglenni gael eu cynnal ar hyd blwyddyn academaidd neu fel cyfres o ddigwyddiadau dysgu proffesiynol cysylltiedig.
Mae’r cynnig dysgu proffesiynol hwn wedi’i gynllunio’n bennaf ar gyfer athrawon yng nghamau cynnar eu gyrfa, gan gynnwys y rhai sy’n cwblhau cyfnod sefydlu statudol a’r rhai sydd ym mlynyddoedd cyntaf eu hymarfer addysgu.
Mae’r llwybr yn addas i ymarferwyr sy’n gweithio ar draws lleoliadau ysgolion cynradd, uwchradd ac arbennig yng Nghymru. Gallai hefyd fod yn berthnasol i fentoriaid ac arweinwyr ysgol sy’n cefnogi datblygiad Athrawon Gyrfa Gynnar.
Dylai bod y cyfranogwyr yn cael eu cyflogi mewn lleoliad addysgol yng Nghymru a bod ganddynt fynediad at gefnogaeth briodol yn yr ysgol, lle y bo’n berthnasol.
Gall Athrawon Gyrfa Gynnar gael mynediad at gyfleoedd dysgu proffesiynol drwy Dysgu a rhaglenni partner sy’n cael eu cyflenwi ledled Cymru.
Cyhoeddir gwybodaeth am y carfannau nesaf, cyfleoedd dysgu proffesiynol, digwyddiadau ac adnoddau drwy Dysgu a Hwb. Mae’n bosibl y bydd rhai cyfleoedd ar gael drwy gofrestru'n uniongyrchol, ac efallai y gellir cydlynu eraill drwy ysgolion, Awdurdodau Lleol neu bartneriaid rhanbarthol.
Anogir ymarferwyr i drafod eu nodau dysgu proffesiynol gyda’u mentor, tiwtor sefydlu neu reolwr llinell a nodi cyfleoedd sy’n alinio â’u hanghenion datblygu a’u dyheadau gyrfa.
Cyhoeddir gwybodaeth am argaeledd rhaglenni, trefniadau cofrestru a meini prawf cymhwystra wrth i gyfleoedd ddod ar gael.