Britannica School

Mae Britannica School yn rhoi mynediad i ysgolion at adnoddau o ansawdd uchel:

• erthyglau digidol dibynadwy

• bywgraffiadau

• delweddau

• fideos

• cynnwys rhyngweithiol

Drwy Hwb, mae gan bob ysgol a gynhelir yng Nghymru fynediad at Britannica School.

Gall ymarferwyr ac arweinwyr ysgolion archwilio adnoddau Britannica School a recordiadau Gŵyl Digi Hwb i gael cymorth cam wrth gam a gwybodaeth ar sut i’w ddefnyddio’n ymarferol.

Mae Britannica School yn darparu cynnwys ar wahanol lefelau darllen:

• Sylfaen: argymhellir ar gyfer 8 i 11 oed

• Canolradd: argymhellir ar gyfer 11 i 14 oed

• Uwch: argymhellir ar gyfer 14 i 18 oed a hŷn

Dysgwch fwy am chwilio, rhannu a chadw yn Britannica ar Hwb.

Mae 2 ffordd i gael mynediad at Britannica Education:

• Mewngofnodi i wefan Hwb a chlicio ar ap Britannica Education ar ddangosfwrdd Hwb. Mae'r dudalen hon yn rhoi mynediad i ddysgwyr ac ymarferwyr at Britannica School a Britannica ImageQuest.

• Chwilio'n uniongyrchol am gynnwys o Britannica School a Britannica ImageQuest yn yr ardal Adnoddau ar Hwb.

Ar hyn o bryd dim ond yn Saesneg y mae tudalennau hafan Britannica School ar gael. Wrth edrych ar erthygl, gallwch ar y botwm cyfieithu a dewis eich iaith.

• Darparu cynnwys digidol o ansawdd uchel am ystod eang o themâu a phynciau cyffredin i wella addysgu a dysgu ar draws y Cwricwlwm i Gymru.

• Datblygu sgiliau ymchwil, gwirio ffeithiau a meddwl beirniadol dysgwyr.

• Darparu mynediad at ffynonellau ychwanegol o gynnwys dibynadwy fel cyfnodolion, e-lyfrau, newyddion a ffynonellau cynradd eraill.

• Darparu amgylchedd diogel, wedi'i hidlo ar gyfer ymchwil ar-lein.

• Gwella hygyrchedd trwy nodweddion fel Darllen yn Uchel, lefelau darllen y gellir eu haddasu a chefnogaeth weledol.

• Helpu i ddatblygu llythrennedd digidol trwy offer dyfynnu parod a ffynonellau gwybodaeth strwythuredig.

• Yn cynnwys offer ar gyfer gosod tasgau ymchwil ac aseiniadau i Google Classroom neu Microsoft Teams yn uniongyrchol o fewn y platfform.

I gael rhagor o syniadau, edrychwch ar weminarau Gŵyl Digi Hwb ar Arferion Dysgu wedi'u Teilwra gyda Britannica a Dysgu drwy Brosiectau gyda Britannica.

• Sicrhau bod y defnydd o Britannica School yn cyd-fynd â pholisïau ehangach yr ysgol megis diogelu, llythrennedd digidol, diogelwch ar-lein, defnydd derbyniol a diogelu data.

• Wrth ddefnyddio Britannica School, dim ond yn yr iaith Saesneg y gellir cynnal chwiliadau ar hyn o bryd.

• Mae Britannica School yn cynnwys nodweddion hygyrchedd i gefnogi pob dysgwr. Mae'r rhain yn cynnwys offeryn "Darllen yn Uchel" (“Read Aloud”) sy'n adrodd erthyglau ac opsiwn ffont 'OpenDyslexic' wedi'i gynllunio i wella darllenadwyedd i ddysgwyr â dyslecsia. Fodd bynnag, nid yw'r nodwedd Darllen yn Uchel yn ddibynadwy ar hyn o bryd ar gyfer cynnwys Cymraeg.

• Wrth edrych ar erthygl, delwedd, fideo, cyfnodolyn ac ati mae dewis yr opsiwn "Cadw" yn annog y defnyddiwr i greu cyfrif personol. Gall ymarferwyr ddefnyddio eu cyfeiriad e-bost Hwb i greu cyfrif. Gall dysgwyr greu cyfrif heb roi cyfeiriad e-bost.

• Os yw dysgwr yn anghofio ei fanylion mewngofnodi, rhaid i ymarferydd gysylltu â Britannica am gais i ailosod cyfrinair.

Dylai ysgolion ystyried:

• a oes angen Asesiad o'r Effaith ar Ddiogelu Data (DPIA) newydd

• neu a ddylid diweddaru eu DPIA presennol

Nid yw Britannica Education yn defnyddio nac yn storio gwybodaeth bersonol na data dysgwr.

Mae rhyngweithiad pob defnyddiwr â Britannica yn annibynnol ac yn breifat. Am fwy o wybodaeth am gydymffurfiaeth Britannica â deddfau a rheoliadau preifatrwydd data, cyfeiriwch at Britannica Education Privacy Policy Notice. Mae hyn yn cynnwys y rhai sy'n gysylltiedig â data dysgwyr.

Nid yw Britannica Education yn defnyddio data dysgwyr ar gyfer hysbysebu neu farchnata wedi'i dargedu, nac yn gwerthu data i drydydd partïon.

Gellir cyfuno Britannica Education gydag offer fel Microsoft Teams a Google Classroom. Dylai ysgolion sicrhau eu bod yn deall sut mae data dysgwyr yn cael ei drin wrth gyfuno rhaglenni fel hyn.

Natur y prosesu

Dim ond yr wybodaeth bersonol a'r data dysgwyr sy’n angenrheidiol i ddarparu mynediad i Britannica School ac ImageQuest trwy gyfrwng Hwb a gesglir gan Britannica Education.

• Mae’r ymarferwyr a’r dysgwyr yn rheoli pa ddata a gofnodir.

• Dim ond gyda gwerthwyr trydydd parti sy'n cefnogi gweithrediad Britannica School ac ImageQuest y mae Britannica Education yn rhannu data.

• Ni ddefnyddir data i farchnata cynhyrchion neu wasanaethau i ddysgwyr.

• Nid yw’r gwasanaethau’n cynnwys unrhyw hysbysebion trydydd parti neu hysbysebion a dargedir.

Nid yw Britannica Education yn mynd ati’n ymwybodol i gasglu na cheisio gwybodaeth bersonol gan blant dan 16 oed neu ynglŷn â phlant dan 16 oed, oni bai y caniateir hynny gan y gyfraith neu gan gontract. Os gwelir bod gwybodaeth bersonol wedi'i chasglu gan blentyn dan 16 oed yn groes i'r polisi hwn, bydd yn cael ei dileu ar unwaith.

Cwmpas y prosesu

Mae Britannica Education yn prosesu data ymarferwyr a data dysgwyr er mwyn darparu mynediad i Britannica School ac ImageQuest trwy gyfrwng Hwb.

Mewn rhai achosion, efallai y bydd darparwyr gwasanaethau trydydd parti yn:

• cefnogi'r gwaith o ddarparu gwasanaethau

• cael mynediad at wybodaeth bersonol

Cyfyngir y mynediad hwn i'r hyn sy'n angenrheidiol ar gyfer darparu gwasanaethau ar ran Britannica School.

Gall Britannica Education a darparwyr gwasanaethau trydydd parti awdurdodedig ddefnyddio:

• cwcis

• tywysyddion (beacons)

• technolegau tebyg

Defnyddir y rhain:

• i alluogi ymarferwyr a dysgwyr i lywio Britannica School ac ImageQuest trwy Hwb

• at ddibenion ystadegol

• i ddadansoddi a gwella'r modd y defnyddir eu gwasanaethau

• i baratoi adroddiadau defnydd anadnabyddadwy

Rhannu data

Dim ond i’r canlynol y bydd data dysgwyr yn cael ei ddatgelu:

• gweithwyr awdurdodedig Llywodraeth Cymru

• uwch gynrychiolwyr ysgol

Ni fydd Britannica Education yn datgelu data dysgwyr yn fwriadol i unrhyw drydydd person heb gael caniatâd ysgrifenedig penodol.

Y modd y caiff eich gwybodaeth ei storio a'i chadw'n ddiogel

Caiff gwybodaeth bersonol a gesglir trwy gyfrwng Britannica Education ei storio ar weinyddion mynediad cyfyngedig.

Mae Britannica Education yn cynnal rhaglen diogelwch gwybodaeth. Maent yn defnyddio mesurau diogelu sefydliadol, ffisegol, technegol a gweinyddol rhesymol i ddiogelu eu gweinyddwyr a'r data sydd arnynt rhag mynediad, defnydd, datgeliad, colled neu newidiadau anawdurdodedig.

Mae’r mesurau diogelwch yn cynnwys, ymhlith eraill:

• amgryptio data

• mesurau diogelwch sy'n amddiffyn rhag mynediad anawdurdodedig ac ymosodiad allanol

• polisïau mewnol a hyfforddiant i staff yn ymwneud â diogelu data

• polisi hysbysu ynghylch tor diogelwch data.

Caiff mesurau diogelwch eu hadolygu, eu profi a'u diweddaru'n rheolaidd.

I gael rhagor o wybodaeth, gweler Britannica Education Privacy Policy.