Adnoddau i gefnogi iechyd meddwl a lles
Ffyrdd ymarferol i ysgolion weithredu dull ysgol gyfan o sicrhau lles emosiynol a meddyliol
Mae’r fideo hwn yn cefnogi adroddiad ‘Darparu dull ysgol gyfan ar gyfer llesiant emosiynol a meddyliol: enghreifftiau ymarfer defnyddiol’. Mae’n crynhoi syniadau posibl o ran sut y gellir gweithredu dull ysgol gyfan yn ymarferol.
Mae’r gwaith ymchwil hwn wedi nodi enghreifftiau o arferion sydd wedi bod o gymorth i ysgolion. Nid gwerthusiad ydyw, ac ni phrofodd effeithiolrwydd arferion na’u cysylltu â data deilliannau. Adnodd thematig ydyw y gall ysgolion ei addasu i’w cyd-destun eu hunain.
Crynodebau ar gyfer staff ysgolion yn nodi barn athrawon a dysgwyr ar les
Fel rhan o’u gwerthusiad o’r Dull Ysgol Gyfan ar gyfer Lles Emosiynol a Meddyliol, gofynnodd ymchwilwyr DECIPHer i ddysgwyr ac athrawon mewn ysgolion cynradd ac uwchradd am les. Darllenwch eu canfyddiadau ar wefan DECIPHer.
Ffynonellau cymorth lles i ysgolion
Mae'r rhestr hon yn tynnu sylw at wasanaethau cenedlaethol a lleol sy'n cefnogi iechyd meddwl a lles plant a phobl ifanc. Nid ydynt ar gyfer ymateb brys. Os oes gennych bryderon sydd angen sylw ar unwaith, neu achos brys am argyfwng iechyd meddwl person ifanc, ffoniwch 999.
Os yw plentyn neu berson ifanc yn rhannu pryder gyda chi, cofiwch mai chi yw'r oedolyn dibynadwy ac mae gofyn am help yn cymryd dewrder . Ochr yn ochr â'u cyfeirio at y gwasanaethau cywir, helpwch nhw i gymryd y cam cyntaf trwy eu hannog i gysylltu, anfon neges, neu drwy wneud atgyfeiriad proffesiynol lle bo hynny'n briodol. Gall siarad â nhw ar ôl hynny i weld sut mae pethau'n mynd wneud gwahaniaeth gwirioneddol wrth sicrhau eu bod yn derbyn y gefnogaeth sydd ei angen arnynt.